Long Distance Relationship.

Kung andito ka ngayon, lagi mong tatandaan ang salitang “Tiwala” at “Komunikasyon”.

Kung balak mo pa lang pumasok, isipin mo ang mga bagay na dapat mong isakripisyo balang-araw, at mga bagay na maaaring maging hadlang sainyo ng mahal mo.

Kung hindi ka pa nakakaranas nito, try mo. hehe.

Kung galing ka na dito at pangit ang naging resulta, wag mong sabihin na lahat ng LDR ay paparehas din sa kinahantungan ng nakaraan mong relasyon. Iba-iba pa rin. Ang taong nasa loob nito ang may hawak ng kanilang kapalaran at hindi ikaw. Diskarte na nila yan.

Kung andito ka pa rin at matagal na kayo ng mahal mo, CONGRATS. Alam niyo na kung paano hawakan ang ganito kahirap na relasyon. Kilala niyo na ang isa’t isa. Punong-puno kayo ng tiwala. Mawala man ang komunikasyon sainyo, buo parin ang loob niyo na hindi sainyo mawawala ang mahal niyo. Ipagpatuloy niyo lamang yan at panatilihin ang “spark” ng inyong pagmamahalan. :)

Walang imposible pagdating sa pagmamahal. Kahit gaano pa kayo kalayo sa isa’t isa, basta alam niyo kung pano ito dalhin, makakaya niyo pa rin. :)