Comsat - ito yung mga taong walang pambayad o kaya naman eh hanggang nuod lang sa mga fellow players o kaya naman nakikinuod lang, maari nating sabihin na mga tambay lang o kaya naman nakiki aircon kaya nag aamoy datu puti suka ang loob ng internet shop, .
Fliptop - ito yung mga taong trashtalkers na maririnig mo kung may naglalaro ng CounterStrike, Special Force at walang kamatayang DOTA. Ito yung maiingay na tao na halos idamay na ang buong pamilya parang ganito ang mga trashtalkers na players na maririnig mo sa isang computer shop.
- Ang hina mo 6@g0!!
- Yung nanay mo weak!
- Yung lola mo japayuki!
Skype Addict - ito naman eh yung mga nag internet shop makapag skype lang, may mga taong naniningil ng utang, nag papadala ng pera dahil wala na daw pambayad sa renta ng bahay, mga nagsusumbong at naputulan na daw sila ng kuryente at mga taong nanlalambing sa skype, dahil siguro LDR sila o kaya nasa abroad ang asawa nila.
Facebook Addict - ito naman yung mga taong naririnig mo ang ungol ng baka, ang tilaok ng manok, ang tunog ng hukay ng lupa, ang kalaykay, at ang tanim ng mga buto sa mga taong ito. Dahil nag evolve na ang mga laro sa facebook naging CityVille na ito, patuloy na napeperwisyo ang mga tao sa application na ito, lalo naman kung hindi ka naglalaro. Kung tunay lang naman kasi ang mga bahay na ibinibigay sayo doon. Siguradong mayaman na tayo lahat, at sigurado akong mas mayaman yung taong nagbibigay sayo ng libreng bahay.
Offline Games Addict - ito yung mga taong mahilig sa LAN Games, maaring isama ang DOTA, yung mga larong GTA Vice City, GTA San Andreas, NBA 2k11 at marami pang iba basta yung mga larong hindi na kailangan ng internet, kanya kanyang trip yan e. Bakit ba? May sariling mundo sila eh.
Youtube Addict - ito yung mga taong mahilig mag videoke sa youtube, tipong < insert song here with lyrics here> tapos ayos na! kakanta na! Minsan naman eh nanunuod ng mga walang kamatayang KPOP Songs mga kanta na puro SORRY ang sinasabi. Juskoday, kung mga Pinoy Pop Bands na lang ang pinapakinggan nila edi sana gumanda pa ang industriya natin ng Musika sa Pilipinas.
Abangis - ito yung mga taong naghihintay nang magtitime dahil puno na ang internet shop, ito yung mga taong kating kati na ang mga daliri sa kamay na maglaro, mag blog, makipagchat. In short, mga taong sabik sa computer.
Chaperon - ito yung mag lalaro lang eh may kasama pa, ito yung mga taong nagiging COMSAT o moral support sa taong maglalaro o makikipag chat, maaring makikipagchat lang sa crush nilang dalawa at sabay silang kikiligin.
Tumblr Addict - mawawala ba naman ito? Hindi sosyal ang isang computer shop kung walang nag tutumblr dito, aba sosyal lahat ng tao dito no! Itaas ang bandila ng Pinoy Tumblr Community, kung palaliman lang din ng tao eh panalo ang mga naipon na tao dito, kanya kanya din ang buhay dito, pero maraming pwedeng maging kaibigan. Ito yung mga taong biglang ngingiti na lang sa harap ng computer nila dahil siguro natawa sa isang post na nabasa nila. ” Ito hirap sa tumblr, paminsan minsan tumatawa ka mag-isa”.
